Liggaam en Gees

Geliefdes, hierdie beloftes is ook vir ons. Laat ons ons dan reinig van alles wat liggaam en gees verontreinig, en ons in gehoorsaamheid aan God volkome aan Hom toewy. (2 Kor 7:1)

Paulus wil ons herinner dat dit oor liggaam en gees gaan. Oor die reiniging van albei en die toewyding van albei aan God. Gebeur maklik dat ons konsentreer op die een en die ander een verwaarvoorloos. Ons kan nie heilig lewe geestelik en ons vergryp aan kos of ongesonde kos eet nie. Of ons spandeer tyd in die Gym en ons gaan geestelik agteruit gaan nie. Ek dink ons word opgeroep tot ‘n holisties benadering wanneer ons onsself toewy en reinig voor God

Wonderlike geseënde mannekamp

Die afgelope naweek het 40 manne bemekaar gekom by ons gereëlde kampplek in die Hill Country net wes van Austin. Die Here het vir ons op ‘n wonderlike wyse ontmoet daar en met elkeen van ons gepraat deur getuienisse en waar manne met ons boodskappe gedeel het uit die Woord uit. Sonder ‘n vasgestelde tema het die Here die naweek gelei met ‘n tema van hoe Hy ons wil ontmoet in ons gebrokenheid en ons heel en bruikbaar wil maak. Ek dink Mattheus 5:3 “Geseënd is dié wat weet hoe afhanklik hulle van God is, want aan hulle behoort die koninkryk van die hemel.” het vir ons nuwe betekenis gekry. Ons moet nie ons gebrokenheid wegsteek agter ‘n masker nie maar dit gee vir Jesus sodat Hy meer kan word in ons lewens en ons minder.